Մասնագիտության ընտրությունը մարդու կյանքի
ամենաառանցքային և ամենաբարդ որոշումներից մեկն է: Այն պետք է ընդունել երկար կշռադատելով, քանի որ ճիշտ ընտրված մասնագիտությունը
մեր հաջողակ ապագայի գրավականն
է: Մասնագիտության ընտրության հարցում պետք է հաշվի առնել մտավոր ունակություններն ու նախասիրությունները, աշխատաշուկայի պահանջարկը:
Դեռ տաս տարեկանից որոշեցի դառնալ տնտեսագետ:
Իհարկե որոշումս ինքնուրույն չեմ կայացրել. մասնագիտության ընտրության գործում օգնեցին
ծնողներս: Սկզում ընտրությունը պայմանավորված էր մաթեմատիկայով. ես սիրում էի մաթեմատիկա,
ու ինձ ասել էին, որ մաթեմատիկան ու տնտեսագիտությունը փոխկապակցված են: Հետագայում`մոտ 4-5տարի անց, որոշմանս
մեջ ավելի հաստատակամ դարձա. ակումբային ձևաչափը օգնեց պատկերացում կազմել տնտեսագիտության
մասին, սիրել ու հետաքրքրվել այդ գիտությամբ: Սկսեցի կարդալ, գրել, վերլուծել, մտածել,
ուսումնասիրել, անընդհատ հետազոտել և հասկացա, որ առավել ճիշտ ընտրություն անել` պարզապես
չէի կարող: Տնտեսագիտությունը յուրահատուկ գիտությունը: Այն հումանիտար գիտություն
չէ, բայց ոչ էլ բնական է, ուստի իսկական տնտեսագետը պետք է կրի թե' մեկի, թե' մյուսի
մտածելակերպը: Լավ տնտեսագետ դառնալու համար, առաջին հերթին պետք է մաթեմատիկա` մաթեմատիկին
բնորոշ վերլուծական մտածելակերպ: Պետք է ստեղծականություն, նորարարական միտքը, շուտ
կողմոնորշվելու և արագ գործելու ունակություն: Տնտեսագետը պետք է ճկուն դատողություն
ունենա, կարգապահ ու ճշտապահ լինի, պետք է կարևորի մանրուքները, պատասխանատու և հետևողական
կերպով կատարի իր պարտականությունները: Տնտեսագիտություն հասկանալը հեշտ չէ, սակայն
եթե սիրով ես վերաբերվում գիտությանը, և հաճույքով ես ուսումնասիրում այն, տնտեսագիտությունը
դառնում է պարզ և հասկանալի: Կարծում եմ այսօրվա ԲՈՒՀ-երում սովորող երիտասարդներին
լավ մասնագետ դառնալու համար հիմնականում դա է խանգարում: Աշխատաշուկան պահանջում է միայն լավ մասնագետների,
իսկ քննությունից-քննություն սովորող, մասնագիտություն չսիրող ուսանողը 5 տարի հետո ավել բան
չի անելու, քան համալրել գործազուրկների շարքերը: Ինչևէ, որոշել եմ կրթությունս շարունակել
ՀՀ պետական տնտեսագիտական համալսարանում: Ժամանակը ցույց կտա, գուցե մի օր ավելի լավ
տարբերակ ունենամ, բայց այսօր որոշումս ուղղված է դեպի այդտեղ: Տնտեսագետ դառնալուց
հետո, ոչ բուհական մակարդակով, բայց որոշել եմ ուսումնասիրել նաև ինժեներ-տնտեսագետի
մասնագիտությունը: Դրա պարզապես որպես երկրորդ մասնագիտություն. այդ հարցում կօգնի
ինժեներ մայրկիկիս: Հուսամ` ապագա մասնագիտությունս ինձ կբերի այն ձեռքբերումները,
որ այսօր պատկերացնում եմ:
Մերի Թելունց
Լիլիթ Մելքումյանի բլոգ
No comments:
Post a Comment