1968 թվականին հայ մեծանուն ճարտարապետ Ռաֆայել
Իսրայելյանի նախագծով կառուցվեց Սարդարապատի հերոսամարտերին, հայոց ազգագրությանն,
ազատագրման պայքարին, հայ մշակութային ժառանգությանն նվիրված հուշահամալիրը: Հուշահամալիր,
որ խորհրդանշում է պատերազմն ու հաղթանակը, զանգեր, որոնք անմարության սիմվոլներն են,
և թանգարան, որում համառոտ ներկայացված է հայ աշխարհի ողջ վեհությունը: Տպավորիչ ու
յուրահատուկ վայր, հանգիստ ու լուռ վիջավայր` նախատեսված սովորելու ու զարմանալու համար:
Բազմաթիվ թվականներով, դեպքերով ու դեմքերով
ողողված պատմությունը, առավել դիտակտիկ և հետաքրքիր է դառնում, երբ հոդվածներից բացի,
սկսում ես ուսումնասիրել այն նաև գործնականում` տեսնելով և համոզվելով: Կարծես սկսում
ես հավատալ դասագրքրերում և համացանցում հանդիպող տեքստերին, որտեղ բազմիցս նշվում
է հայ մշակույթի վեհության և բազմաշերտության մասին: Այսօր ամենշաբաթյա մեր պատմության
դասաժամը, որոշեցինք կազմակերպել հենց այդ սկզբունքով. «Զրույցներ պատմության մասին»
նախագծի շրջանակներում այցելեցինք Սարդարապատ: Շարժվեցինք կեսօրին, ճանապարհը պատկերացրածից
ավելի երկար էր. համալիր հասանք մոտ մեկ ժամ անց և սկսվեց բացահայտումներով լի ճամփորդությունը:
Շրջեցինք ողջ համալիրում, հետո գնացինք թանգարան` վերից վար ուսումնասիրելով թանգարանի
բազմաշերտ հավաքածուները: Անցանք ազգագրության սրահով, որտեղ իրենց պատվավոր տեղն էին
զբաղեցնում հնագիտական պեղումների արդյունքում պեղված` տարբեր ժամանակահատվածներին
պատկանող գտածոները` աշխատանքային գործիքներ, խոհանոցային իրեր, գորգեր, կահույք, զարդեր,
տարազ, ազգային խոհանոց և էլի շատ ու շատ ցուցադրվող նմուշներ, որոնք շարժեցին մեր
հետաքրքրությունը: Շրջեցինք թանգարանի մնացած սրահներով, որտեղ ներկայացված էին Արցախյան
հերոսամարտից կադրեր: Վերջին սրահը նվիրված էր դեկորատիվ արվեստին նմուշներին. ներկայացված
տեսականին գրեթե մեր ժամանակների ստեղծագործություններ էին: Թանգարանում մոտ մեկ ժամ
անցկացնելուց հետո` այցելության վերջում, դիտեցինք Հայաստանի առաջին հանրապետության
հիմնադիրներից մեկի` Արամ Մանուկյանի մասին պատմող ֆիլմը: Ճամփորդությունը հետաքրքիր
և ուսումնական էր, որն իր շարունակությունը կունենա կրթահամալիրում: Երևան վերադարձանք
լավ տպավորություններով համակված, հստակ որոշելով, որ նմանատիպ դաս-ճամփորդությունները
շարունակական բնույթ են ունենալու:
Մերի Թելունց
No comments:
Post a Comment