Կրթահամալիրում մեկնարկել է մայիսյան 8-րդ ստեղծագործական հավաքը, որին ընդառաջ կրթահամալիրում և հատկապես միջին դպորցում տեղի են ունենում սեմինարներ: Ընկեր Հերմինեի սենյակում հանգիստ մթնոլորտ է: Հավաքվել են դպրոցի բոլոր մաթեմատիկայի ուսուցիչները ու քննարկում են մաթեմատիկայի վերաբերյալ ներկայացվող նյութերը: Ընկեր Հերմինեն ներկայացնում է իր Հեռավար դպրոց նախագիծը: Իր բլոգում ընկեր Հերմինեն ստեղծել է մաթեմատիկական խնդիրների բազա, որից կարող են օգտվել աշակերտները: Առաջադրանքները համարակալված են ըստ դասագրքի խնդիրների համարների, և աշակերտը կարող է տնից տեսնել առաջադրանքի լուծումը: Ֆիլմերը պատրաստված են Bandicam ծրագրով ու կարծում եմ շատ արդյունավետ լուծում է աշակերտների հարցերին արագ ու հեշտ պատասխանելու համար: Ուսուցիչները սկսեցին քննարկել նախագիծը,առաջարկություններից հետո որոշեցին, որ կարելի է հեռավար դասից հետո գիտելիքների ստուգում կազմակերպել, որը կխոսի աշակերտի իրական գիտելիքների մասին: <<Մաթեմատիկները խոսում են քիչ, բայց բովանդակ>>, այս կես ժամվա ընթացքում համոզվեցի այդ խոսքի ճշմարտացիության մեջ, մի խոսքով հաճելի է լսել խելացի մարդկանց, նրանց մեկնաբանություններն ու դատողությունները: Թերևս այսքանը մեր մաթեմատիկայի սեմինարից, ավելի մանրամասն տեղեկատվությամբ խոստանում եմ հանդես գալ մայիսյան շաբաթի ընթացքում:
No comments:
Post a Comment